7月16透早，有兩个讀國中的囡仔，已經佇花蓮監獄的門口咧等候，欲來迎接出獄的老母。來進前社工老師予怹畫出對老母的思念，怹講：「足久無看著阿母，足想伊的。」怹就做伙畫一張迎接阿母的圖：有白雲有草埔嘛有厝，厝前面有一條路。怹講這是畫予阿母欲轉來的路，而且佇圖的頂懸寫字，寫講：「向望阿母緊轉來、閣向望阿母毋通閣犯錯」、．．．．，寫出囡仔人天真無邪盡情的可愛。