反核，煞就愛褪褲

怪哉！悲哀的台灣，

反核，煞就愛褪褲，

才有新聞報導，

連回僥倖失德喔！

台灣媒體煞變甲赫歹喙道！ 

反核，煞就愛褪褲，

逐家看甲真好笑，

毋知四支利劍劍的刀，

插踮台灣的額頭，

菜蟲食菜菜跤死，

有一工後悔嘛遲。 

政府倒晃晃，

政黨見烏著觸，

古意的台灣人煞致著自私癌，

管汰別人兜的海邊掠無魚，

管汰別人怹兜著怪病，

管汰別人怹兜死死去，

橫直，死道友就是，

日頭赤炎炎，隨人顧性命，

會烏盡量烏！

趕緊趁！趕緊享受，

死就煞啦！