今日較閒看台語冊，想著一寡平時仔較講未好勢的詞彙。 

像：雙胞胎：雙生仔。幸運：好運。三言兩語：三兩句話。合作：相勁。風光：昌（chiann）颺 。一點一滴：一滴一注。小吃：點心。土包子：草地傖。個性：性地。相處：做堆、做夥。一群人：歸群人。台下：棚跤。蛙式：水蛙泅。仰式：坦笑泅。自由式：掠篙泅。狗扒式：扑抨泅

俗語的部分，嘛加捌足濟：

丈人丈姆珍珠寶貝，老爸老母路邊柴皮。兄弟是兄弟，隨人照顧家己。戇雞母孵鴨孫，戇外媽疼外孫。罵哪會變，雞母嘛會舉葵扇。強逼張飛讀春秋，至親難免結冤仇。無肝無腱，食一把膽。囡仔人吃褒無驚刀。有寒著有熱，有艱苦著有快活。交情仁義重，啉水也心涼。好性地人人都是親家，歹性地人人攏是冤家。講著新台票，鬢邊摔摔叫。輒講嘴會順，輒做手袂鈍。你予人有步，著是予家己有路。算命若會準，草仔埔嘛會生竹筍。