懸牆可比夯水甕　一粒腹肚千斤重　

是男是女未輕鬆　求神拜佛照所望

即久傳宗接代重男輕女的世俗亦存在，雖然普遍來講查某囡較乖巧較搭心，毋拘，查甫囡也是首要的選擇，除非是查某肚生無查甫，無魚蝦嘛好。

頭胎生妹妹，序大人的盼望一時間烏有，彼種失神的表情，看著嘛不忍心，號名叫招弟，心情的苦悶可比懸牆關牢牢，心內不安的負擔像咧夯大大圈的水甕。

又閣大腹肚，心內的沉重吊掛亦喜亦驚未輕鬆，是查甫是查某毋是老母會當選擇，招弟的天真純潔，略略知影阿母目頭結結，刁工弄予阿母笑，啊！眾神明，大神大道來鑑納，照我所望就生男。