![]() ![]() ![]() |
|
|
|
2009/03/14 19:01:00瀏覽322|回應0|推薦0 | |
Szechung's XO醬「事頭婆炒麵」 食左唔少蝦子麵,愛其有味,清水加鹽煮也可以好好味。 小時候吃得最多,一個親戚做麵廠的,除了蝦子麵外,麵碎﹝麵廠例必積存有很多,久不久我們都會從伯娘那裡得到一袋﹞也好吃得不得了! 講到呢度,佢個孫原來是腫瘤科 Consultant ,最近還巧妙地幫我爸爸從複雜的環疾救了一命﹝稍後另文再述﹞,真神奇! 其實,坊間蝦子麵的質素都很參差,吃到好的便要追捧了! 在佐敦一間越南粉麵舖吃河粉時覺得那些粉很幼滑,又偷聽到他們的河粉是從廟街的某間廠買來的,便去找找看,果然就是 億昌 油麻地廟街122號 對面的那一間! 見有蝦子麵,$40一斤,買來試試,竟然一試鍾情 ...... 買了很多次,就是忘了他們的寶號,但事頭婆一定記得我,知道我買過來英國食,說有獨立包裝的,剛好當日售馨,我說下次吧。 更重要的是,佢真係多得我唔少:經吹水後,知道我用來做炒麵,她也試試,結果佢D細路以後都只愛吃炒蝦子麵,不再要鹼水麵 la ..... 我好鐘意買野同人吹水 ...... 更熟落後,就會請佢比我影佢部自動製河粉機寫 blog! 講番呢個「事頭婆炒麵」,其實就係豉油皇炒麵,我屋企係咁叫 je ...... 水滾落麵,即用筷子撥散 ...... 煮約一分鐘﹝切勿煮過火﹞,一散開即起,過冷河﹝剪幾下,好炒D﹞ ...... 下些少油,爆香 XO 醬﹝呢度係咁而落些少,由於係早餐,唔落咁辣,當然可以落更多!﹞ ...... 落麵,撥炒 ...... 落生抽 ...... 再落老抽、糖、麻油 ...... 炒到要幾香,有幾香;或者要幾乾脆,有幾乾脆 ...... 加牙菜 ...... 一加左牙菜,D麵會回軟少少 ..... 又炒,但牙菜好易出水,所以唔好炒咁耐 ...... Ladies & Gentlemen, Szechung's XO醬「事頭婆炒麵」...... 好味、好味! ...... 吃、吃、吃 ...... |
|
( 休閒生活|雜記 ) |