媽媽，在阮小漢ㄟ時陣，不管你和爸爸做田作嘎多麼累，晚上要睡之前，你和爸爸攏愛唱歌吼阮聽，你用妳ㄟ歌聲陪阮大漢，現ㄚ，阮麥用阮ㄟ歌聲陪你行。

    小漢ㄟ時陣，媽媽那看到歌仔戲在演七世夫妻，你兜會嘎阮講：你和爸爸就親像七世夫妻，不管作夥生活愛吃多少苦，這世還沒過完就在ㄉㄟ約後世擱麥來做伙。媽媽，你對爸爸ㄟ真情真意，是阮這些女兒最好的模範。

    媽媽，阮那問你，你為什麼漢妮ㄚ疼阮，不管阮是不乖、是嗯瞪還是ㄤ浪，甚至對你忤逆，你ㄟ手永遠為阮打開，嘎阮惜嘎阮疼。你一聽完，就會用你ㄟ雙手嘎阮攬掉掉，笑笑ㄚ嘎阮說，傻孩子：媽媽疼你們ㄟ心無理由。

    媽媽，你ㄟ目屎是你教育阮ㄟ法寶。小漢阮那做不對代誌，你就棍子拿高高，但是每蓋還沒打，目屎就扣扣流，一邊流一邊說，說你從小就沒父沒母，跟人家去ㄤ牛有多可憐，生七個攏女兒夥人看輕又擱有多可憐。看到你ㄟ目屎一滴一滴流下來，你ㄟ愛就一滴一滴流入來阮ㄟ心內。

    媽媽，小漢安叨真散吃，雖然你無辦法嘎阮裝嘎親像洋娃娃，但是你嘛不會吼阮穿得像乞食。衫若穿破，你就會用針尬線，一針一線款款ㄚ縫，嘎破衫舊衫變嘎親像新衫。阮那受委屈，心肝破一空，你就ㄟ用你ㄟ愛作針，用你ㄟ關懷作線，一針一線款款ㄚ補，嘎阮破空ㄟ心補嘎密啾啾，吼阮ㄟ心袂擱再疼。

    媽媽，你和爸爸七世夫妻ㄟ情分，已經滴這世完滿ㄚ。你愛ㄟ記得嘎爸爸ㄟ手牽掉掉，對爸爸去遊山玩水，對爸爸去快活。阮上愛哭ㄟ媽媽，你現ㄚ有爸爸在身邊，嘎你惜命命，你就愛嘎凡間俗事輕輕放下，無免擱為阮哭，無免擱為阮補破空ㄟ心肝。祝福你嘎爸爸手牽手快快樂樂做夥行。