阿母貓貓看 (台語詩)

十月懷胎 真辛苦

紅紅幼幼 來落塗

晟養過程 有變數

日操暝勞 為囝兒

一暝一寸 好育飼

查埔 查某

攏是 阿母的心脾

讀冊 出外 食頭路

升官 嫁娶 有前途

過年 過節 團圓時

手機仔 電話 傳心意

思念的心情 日夜纏

阿母 誠心拜佛

閣飼貓咪

日頭斜西 煞落雨

阿母破病 袂行路

兄妹仔相招 來照顧

想起囡仔 細漢時

阿母歡喜

 笑微微

希望囝兒

會當轉來團圓

毋通 乎伊

恬恬倚佇門邊

規工貓貓看袂離

發表於2014年葡萄園詩刊204期