望你早歸 為臺灣戰後一首十分知名的臺語歌曲，由楊三郎作曲，那卡諾作詞，原唱者為紀露霞．

歌詞描寫臺灣人期待，因二次大戰滯留海外的臺籍日本兵，早日卸甲歸田平安回來的心境．

望你早歸  Bāng Lí Tsá Kui  紀露霞  Kí Lōo-hâ

每日思念你一人  muí-ji̍t su-liām lí tsi̍t-lâng

袂得通相見  buē-tit-thang sio-kìnn

親像鴛鴦水鴨  tshin-tshiūnn uan-iunn tsuí-ah

不時相隨  put-sî siong-suî

無疑會來拆分離  bô-gî ē lâi thiah hun-lî

牛郎織女伊兩个  Gû-nn̂g Tsit-lú i nn̄g-ê

每年有相會  muí-nî ū siong-huē

怎樣你哪一去全然無回  tsuánn-iūnn lí ná tsi̍t khì tsuân-jiân bô huê

放捒阮孤單一个  pàng-sak gún koo-tuann tsi̍t-ê

若是黃昏月娘欲出來的時  nā-sī hông-hun ge̍h-niû beh tshut-lâi ê sî

加添阮心內悲哀  ka-thiam gún sim-lāi pi-ai

你欲佮阮離開彼一日  lí beh kah gún lī-khui hit tsi̍t-ji̍t

也是月欲出來的時  iā-sī ge̍h beh tshut-lâi ê sî

阮只好來拜託月娘  gún tsí-hó lâi pài-thok ge̍h-niû

替阮講予伊知  thuè gún kóng hōo i tsai

講阮每日悲傷流目屎  kóng gún muí-ji̍t pi-siong lâu ba̍k-sái

希望你早一日轉來  hi-bāng lí tsá tsi̍t-ji̍t tńg--lâi

啊!無聊的月光暝  ah! bô-liâu ê ge̍h-kng-mî

來引阮思念著故鄉的哥哥  lâi ín gún su-liām tio̍h kòo-hiong ê ko-ko

哥哥你現在  ko-ko lí hiān-tsāi

大概真無聊寂寞  tāi-khài tsin bô-liâu tsi̍k-bo̍k

來咧等候我轉去故鄉  lâi leh tán-hāu guá tńg-khì kòo-hiong

我自離開故鄉到現在  guá tsū lī-khui kòo-hiong kàu hiān-tsāi

也袂得通達成著我的希望  iā buē-tit-thang ta̍t-sîng tio̍h guá ê hi-bāng

我有時  guá ū-sî

時常想欲寫批去予你  sî-siông siūnn-beh siá-phue khì hōo lí

毋過恐驚仔  m̄-koh khióng-kiann-á

來加添著你的悲傷  lâi ka-thiam tio̍h lí ê pi-siong

你的憂愁  lí ê iu-tshiû

但是  tān-sī

哥哥你愛著來信用我  ko-ko lí ài-tio̍h lâi sìn-iōng guá

我  guá

我毋是彼款無情的女性啦  guá m̄-sī hit khuán bô-tsîng ê lú-sìng--lah

若是黃昏到  nā-sī hông-hun kàu

月娘欲出來的時  ge̍h-niû beh tshut-lâi ê sî

我  guá

我的心肝  guá ê sim-kuann

若是黃昏月娘欲出來的時  nā-sī hông-hun ge̍h-niû beh tshut-lâi ê sî

加添阮心內悲哀  ka-thiam gún sim-lāi pi-ai

你欲佮阮離開彼一日  lí beh kah gún lī-khui hit tsi̍t-ji̍t

也是月欲出來的時  iā-sī ge̍h beh tshut-lâi ê sî

阮只好來拜託月娘  gún tsí-hó lâi pài-thok ge̍h-niû

替阮講予伊知  thuè gún kóng hōo i tsai

講阮每日悲傷流目屎  kóng gún muí-ji̍t pi-siong lâu ba̍k-sái

希望你早一日轉來  hi-bāng lí tsá tsi̍t-ji̍t tńg--lâi