今暗，公園內舉辦中秋里民同樂會，鄰長林代書佇拜五暗就有提一張抽獎單

來厝內，講獎品真噴派，有10台捷安特腳踏車，1台22吋液晶電視、1台微波

爐，30台電風扇，40台吹風機，20盒Hello  Kitty禮盒，80盒黑砂糖香皂禮盒....

大約有250份獎品，現場擱有柚子， 飲料，招待里民鄉親，因為今年里民共濟

做資源回收卡有經費。

  蹛佇附近的朋友，相招規陣佇公園內嘻嘻嘩嘩，一個叫做玉釧的朋友，打手

機乎阮，招阮去逗鬧熱，順煞參加現場抽獎，阮咧陪囝仔讀冊，無閒通去，她

講：「汝甘毋是想要一台新的腳踏車？這真濟台咧等汝，緊來牽返去。」阮真

愛笑，甲伊講：「頭殼摸一遍，感覺無尖尖，恐驚無福氣呢，汝頭大面四方，

真將才，卡有希望啦！」