彼一日是禮拜下晡，搡一台奶母車撿字紙的阿婆，毋細字惦佇公園邊彼間

  柑仔店門腳口跋倒，阮嘟好佇遐買物件，看到，趕緊跑出來鬥相工。

  阿婆手骨撞到公園的花座，皮肉挫著傷，阮看伊血流不止，親像真痛苦，

  雨落甲赫尼大，血水一滴一滴、滴落土腳，綴雨水鑽入土底。

  阿婆腳頭嗚雄雄跪落土腳，應該是真吃力，一時煞沒法度家己爬起來，阮

  伸手袂甲伊扶，伊搖手搖袂離，眉頭結結，忍著疼，舉頭甲阮講：「真多

  謝妳囉！毋免扶啦，阮家己爬起來就好，多謝啦！乎汝真勞力。」

  阮不知頭天，款款一直講：「沒要緊啦，阮甲汝扶起來沒要緊啦！」這時

  ，店內頭家娘舉一支黃色的雨傘走出來店口解釋乎阮聽：「對啦，對啦，

  老伙人跋倒有禁忌啦，汝乎伊穩穩仔家己爬起來就好。」阮只好放手，目

  啁金金看阿婆真正穩穩仔爬起來。即時，雨已經將阮甲阿婆澆得瞻糊糊了

  。雖然，事後發現略略仔挫傷破皮，毋什麼要緊，毋擱，置阮心肝頭的疑

  問卻是真要緊。

  老大人跋倒，毋是真傷重嗎?真要緊的代誌，按怎忍心叫伊家己爬起來？??

  一陣人敧佇邊仔喊甲大小聲，到底是咧禁忌什物？│