日頭赫呢燒，汗是親像咧落雨。

陪子公園踅踅運動規點鐘，

略略仔強要中痧。

子伊講身軀真赤饜，來轉好麼？

伊想要倒轉去厝吹冷氣。

賣叭噗叭噗阿伯講：

真正愛甲您母子仔拍蹼仔，

汝真有耐心加勇氣，

透早透晚陪子去學校讀冊，

暗時仔又擱出來陪子運動，

汝日時擱愛上班甘不是？

歸年通天沒一工ㄟ凍安心歇睏真辛苦喔！

阮講沒影啦！

阿伯卡辛苦啦！鬥工做生意也沒看汝歇睏。

阿伯吐一聲大氣，

哪嘸法度，生到壞子，懶腳手，

要吃不討賺，鬥工攏溜連，

好腳好手有卡好？

卡輸汝這囝仔，將來一定有出脫，汝放心！

阿伯真多謝汝喔！足感恩ㄟ.....

看著子舉拐仔ㄟ背影......

阮偷偷同款吐一聲大氣，

人講:天下父母心，就是安呢!

一家有一家代，也就是......

家家有本難唸的經。