月娘光光掛天頂　嫦娥置那住

你是阮的掌上明珠　抱著金金看

看你度晬　看你收涎　看你底學行

看你會走　看你出世　相片一大疊

輕輕聽著喘氣聲　心肝寶貝子

你是阮的幸福希望　斟酌給你晟

望你精光　望你才情　望你趕緊大

望你古錐　健康活潑　毋驚受風寒

鳥仔風箏　攏總會飛　到底為什麼

魚仔船隻　攏是無腳　按怎會徙位

日頭出來　日頭落山　日頭對叨去

春天的花　愛吃的蜂　伊是置叨位

月娘光光掛天頂　嫦娥置那住

你是阮的掌上明珠　抱著金金看

看你度晬　看你收涎　看你底學行

看你會走　看你出世　相片一大疊

鳥仔有翅　風箏有線　才會天頂飛

魚仔有尾　親像行船　希望著愛找

日頭出來　日頭落山　日子攏安呢過

花謝花開　天暗天光　同款的問題

鳥仔有翅　風箏有線　才會天頂飛

魚仔有尾　親像行船　希望著愛找

日頭出來　日頭落山　日子攏安呢過

花謝花開　天暗天光　同款的問題

輕輕聽著喘氣聲　心肝寶貝子

你是阮的幸福希望　斟酌給你晟

望你精光　望你才情　望你趕緊大

望你古錐　健康活潑　毋驚受風寒

心肝寶貝 作詞：李坤城/羅大佑 作曲：羅大佑 編曲：羅大佑