無論安怎

清幽的環境唔是人嘩出來的                         唔【不】

跤踏臺灣地                                                    跤【腳】

頭戴臺灣天

疼惜故鄉的心情

給咱牽連做一綰                                               綰【串gauN】

咱愛齊心關懷這片土地

昧當恬恬忍受一切

鬥陣維護天公伯仔賜乎FORMOSA的美麗

用心疼惜天頂飛的鳥、水底泅的魚

不准烏煙佮廢水來污染家園

互歸大片的土地                                             互【使、予】

充滿圓圓滿滿的希望

互四界開滿愛的花蕊

佈滿咱親切的家園

情相連

心相牽

雖然路途千里遠

坎坷又擱遙遠

咱猶原著實現咱的夢                                      著【要】

互咱子孫有映望

共同開創咱溫馨的故鄉

打造熱情溫暖的意象

互島嶼上千千萬萬的同胞

攏知影愛保護這塊深情的土地

攏相信伊的氣味會永遠香透天

臺灣是一幅圖                                                 幅【bak】

溫柔的雲

綿延的高山

芳香的溪仔水

長長的鄉間小路

深深畫佇咱心肝內

仝館的夢

仝館的心

美麗的   FORMOSA　咱兜

迷人的   FORMOSA　咱兜

猶原是咱追求的寄望