一个查某人仔，撐著腹肚大大大，予人扶咧喙內細喈(Nㄍㄞˇ)聲叫「哎喲、哎喲」，等著電梯欲去待產室，怹兜的人提著衫褲大包細包，期待著新性命的來臨，有淡薄仔緊張，毋過看會出來是歡頭喜面。

電梯門拍開，看著一個?穿著看護衫的查某人，捒(ㄒㄚ  推)著病床出來，病床頂倒著插送嗍管的老大人，看護士喙唸講:「阿公仔！即馬出電梯啊，連鞭欲轉去恁大屯仔…..」，綴佇後壁的序細有的滿面哀傷，有的是憂頭結面。

唉！病院嘛，親像人生的車頭，

恬恬搬演來來去去生生死死的戲齣，

人生過程像咧坐火車，

有人欲上車，有人愛落車。

舊文重貼