這是人頭擺遇著...

轉來後頭陪序大人

逐工透早攏是六點外騎車

趕轉厝內飼喵咪 上班

昨夜雷公霆無停

沿路雨嘛是落無歇

到虎尾市區

雨水更加是 唯天頂倒落

看著塗腳可怕的積水

停青紅時

機車隨水湧倒退嚕

強欲騎袂倒

足驚車失火入水....

到上班的所在

做大水

外口水一直灌入來...

................

全院動員

到中晝 水慢慢退去

心內想我的...阿咪

歇雨囉 車騎欲轉

竟然無一條路會當通到大橋

逐跡攏有惡水圍困...

下午三點時 接到好友電話

有一位善心人士 開貨車欲來相助

兩隻阿喵免閣餓腹肚

猶原有路積水

嘛是 要轉後頭厝

驚阿爸擔心 驚阿母煩惱

平日愛攝影 知影濟濟小路

今仔日用著……

這條若積水 走其他小路...