因為太長氣，IG放不了長文，第三篇放在這裡，圖片就回IG看吧…

（不過這是私人acc）

【2024冬季再探大東北任務前言】

【2024冬季再探大東北任務前的美食】

【2024冬季再探大東北任務完成】（圖）

因為喺朝市買咗青森蘋果，返一返酒店擺低先，同時換番件制服😅

車上很多同路人，仲見到（比我）後生嘅女仔（？）攞住牛肉膠刀❌衝浪立牌⭕️同埋Tote bag周邊，首次喺現實見到咁多某拓飯😅

去到宮城，有陽光都係凍🥶但係聽到綵排聲🥹只係忍唔住入Cafe避寒，買杯粟米湯暖胃🌽 目測有三成男性啦，比想像中多後生仔，有啲仲著埋某拓平時嘅服飾😅時尚KOL果然唔係浪得虛名😅雖然我仍覺得唔係人人都稱身🤫不過男性比較稱身🫢（變成針對某台女飯🤫）

男飯係比想像中多，但係女廁門口依然堆滿女飯😅捱住凍去埋Toilet🥶排隊入場，用QR Code📲話說之前直到收到場地交通，同埋當日安排通知，先有睇演唱會嘅實感🥹嘟QR Code順利換實體飛，冇本確🥹

位置係Arena好近😳周遭有一樣著制服嘅女性（都係除大褸換制服外套），因為事先知道手燈會現場變色，唔似宇多田光嗰陣可以用手機燈頂住先😅所以買嚟玩（喂）見到連年輕男飯都攞住手燈，感覺呢幾年佢真係吸咗唔少男飯😎同9年前四周都係女性完全唔同😎雖然都有樣貌嚴肅嘅阿叔乜都冇攞住😅

準時開場👌🏼真人猶如宗教領袖般接受膜拜（喂）但係連場熱舞猶如郭阿王（被打） 以為自己惡補極都係唔熟新歌，但係聽聽下多數melody都好熟，唔似宇多田光嗰次功課以外完全唔熟🫢因為本來就對佢（或者S團）音樂無感，所以唔似其他忠飯可以仔細描述😅不過我的體感就係大型Party，再唔熟歌都可以好享受投入🥹

最有印象呢？〈心得〉聽到耳後有人同我一齊和唱略感動🥲堂本剛作曲嗰首都幾high，當然仲有總結佢前半生嘅〈Yes I’m〉🥰另外某拓真係花時間，逐個介紹band & dance members，的確係始終如一👍🏼

Encore時先至唱大家比較熟嘅團歌😎但係冇前兩次咁超熱門，有後生仔之前只係跟melody郁，不過一到團歌就興奮跟住唱😅亦都有一直好勉強跟melody郁，連手燈都冇嘅阿叔打拍子🤪亦都有個樣似中高層嘅阿叔玩手燈🤪ごめん咁多年都係喺度留意男飯比例😅雖然女性多，後生（但目測2至30代）都唔少👍🏼親眼見過，就唔會隨內容農場起舞🤷🏻‍♀️可惜大家都只會繼續未見先評，不適切也要有個限度！

MC呢？最初佢問：係咪唔凍喇？我仲諗緊終於聽得明🥹講得慢先啱㗎嘛🥹點知一有梗同訊息量大嘅時候，都係聽唔掂🤷🏻‍♀️聽解一直好弱🫣不過MC唔係能力試😅好彩仲聽得明關鍵情報：明年有新電影🎬跟好久不見的導演合作💡雖然一直說：不會告訴你們，但還是講咗下個月某個日期（呢個聽唔掂🥹）作為別扭的小眾事業飯，慶幸這次live聽到這個情報，果然是為我而設（不是）

仲有一點印象很深，就係當Encore完之後，佢跪拜舞台先至落台，彷彿同opening首尾呼應，很好👍🏼完場後天氣更凍（好似仲落少少雪），但係成個人好暖，（睇番repo）某拓話佢係植物大家係太陽，或者互為太陽吧？追星看似不設實際，但總會在不知什麼時候成為個人力量💪🏼

（懶文藝的結尾）