彼當時阮還細漢　才到您的肚臍高　
頭一擺讀托兒所　您將阮的手牽朝朝　
阮一直在哮　嘸甘著您離開　
猶原記心頭　對阮牽教的話　
你已經大漢啦　要學卡竅照顧甲治　
看到阿爸離開的背影　阮還一直在哮　

想彼時阮還細漢　您教我學騎鐵馬　
您教我讀册寫功課　您擱教阮學舉箸　
阮偷走七逃　一直乎您氣嚕　
阮功課含慢　常常乎老師摃　
這袸阮出社會　才怨嘆當時嘸聽話　
想到阿爸年老的背影　阮還想要擱哮　

阿爸　記誌中的勇者　是阮的英雄　
厝內壞去的米件　伊攏會曉來修理　

阿爸　尚愛穿西匹羅　是阮的靠山　
一份無私滿滿愛　留乎阮這陣囡仔　
來～咱爸仔子來握手霸　咱來比愾力　
來～咱來撿歹鐵仔去賣　來換麥芽膏　
阿爸教阮靠甲治　手心袂凍向頂面　
雖然您已經離阮真遠　真遠　
雖然阮袂赴叫您一聲　阿爸　
您永遠永遠惦阮心肝頭　甲阮作伴　

花蓮潮叔　於青楓居　
細漢；年紀小。讀册；讀書。舉箸；拿筷子。七逃；嬉戲。　

氣嚕；生氣。含慢；程度差。摃；敲、打。米件；東西。　

會曉；懂得。西匹羅；西裝。握手霸；比腕力。愾力；力氣。