冷風對面吹　感覺有寒天的味　
甲意這種冷清清的日子　
惦這款夜深暗街路邊的阮　
歡喜乎風灌入身軀的感覺　
緩勢是寂寞的關係　
夜擱卡深　心擱卡冷　
無心晟來到曾有妳的咖啡廳　

花矸內猶原彼朵乾去的紅玫瑰　
正手中半截的煙節仔　甲　
黑冷的暝　引阮記誌　
乎魂魄飛向天　飛向海　飛入心　

走找著輪迴　走找千萬年的等待　
甲步步期待思念的痛疼　
越頭看彼粒漂浪寂寞的心　
咖啡廳的霓虹燈猶原在著　
一切攏甲以早同款　
痴情的心　孤單的影　
是咖啡凹仔邊溫純的紅嘴唇　

乾去的玫瑰有一份深深的愛意　
冷去已經走味的咖啡　甲　
一人的暝　阻擋著阮　
乎相思飛向你　飛向阮　飛向咱　

雨綿仔的夜　惦淒冷的半暝　

一陣淡薄仔的咖啡苦澀味　
雨綿仔的夜　惦寂寞的半暝　
放袂落的一疏疏仔深情　
夜深了　心　寂寞了　


花蓮潮叔　於青楓居