退步詩      宋‧慈受懷恩
萬事無如退步人，孤雲野鶴自由身；
松門十里時往來，笑揖峰頭月一輪。

【台譯】 自   在
世事萬項無法度
為難一個肯處處退一步讓一步
無欲佮人爭
無欲佮人衝突的人

一個人就親像野鶴
赫呢仔雲遊自在

 松門離遮只有十里路
經常來來去去  
每擺路裡拄著 
迄輪光映映的月娘
掛佇懸懸的天頂 
我攏是真正歡喜
恭敬參伊合掌問訊
相借問

註：即首詩會使佮真出名的布袋和尚插秧仔詩比嫷：「手把青秧插滿田，低
頭便見水中天；心地清淨方為道，退步原來是向前。」
退一步何等消遙自在，予咱無憂無惱人生行一回。詩是描寫佮世無爭，
心胸無有一絲仔貪愛、怨恨、莽懂，和和氣氣對待人，腹腸闊闊闊，妄
想雜念一日一日減，智慧一日一日增長，道業一日一日成就。拄著萬頂
事 攏是歡喜心慈悲心，撞著月娘嘛當做見著菩薩共款。

懷深禪師閣有一首退步偈，咱再一次來欣賞：
萬事無如退步休，本來 無證亦無修；
明窗高掛菩提月，淨蓮深栽濁世中。