 
字體：小 中 大 |
|
|
|
| 2006/01/22 21:32:09瀏覽234｜回應0｜推薦2 | |
般若心經有一句話講：「不垢不淨」 無分別心，心中一片光明燦爛，靜觀萬物皆自得，超越世俗的著佮毋著，善佮惡，媠佮歹。 白鴒絲是白的，烏鴉是黑的。白雪雪好看，烏摸摸歹看。咱當然較愛白鴒絲，未愛烏鴉，尤其是烏鴉叫的破叉聲，無人會恰意。色彩的烏佮白，聲音的好歹，攏是自然的現象，無有好歹，是咱人去共分別，有了分別，才有歡喜佮討厭。 歡喜，往往生出貪愛，有貪愛想欲佔有，著產生種種的煩惱。得未著，產生苦惱。得著，驚失落，產生苦惱。真正失落去，人猶閣卡苦惱。減少分別心，心清閒自在。 有一回趙州禪師佮徒弟仔文偃打賭，看啥人有法度比喻上下賤、上無路用，迄个人就算贏。趙州禪師講：「我是一隻驢仔。」 文偃講：「我是驢仔的尻川。」 趙州閣講：「我是驢仔尻川所放的一垺屎。」 文偃隨應講：「我是屎內底的一尾蟲。」 趙州就問講：「汝佇屎內底創啥？」 文偃答講：「我佇遐歇熱宓涼！」 哈哈！咱若有即種心景，毋知欲偌好！何處、何事不逍遙，自由自在，無罣礙。
|
|
| ( 創作｜散文 ) |
