作家
字體：小 中 大 |
|
|
||||||
| 2006/08/19 23:07:44瀏覽568｜回應0｜推薦24 | ||||||
95. 8.18人間福報- 同齊來說話--老爸
細漢兮時陣，我是你兮好朋友，甲你講話、聽你唱歌、做你兮酒伴，你講我是你兮消氣丸，我上了解你，對你上好，你講兮話，我攏有咧聽，轉來厝裡，哪是看著我，什麼艱苦嘛無驚。 我亦未學講話，你甲我開講，我只好惦惦聽，你飲燒酒，著叫我甲你乾杯，你哪飲酒醉，無人甲我飼牛奶，敢知影我是腹肚餓擱嘴乾？ 大漢去讀冊，你無叫我愛讀第一名、嘛無交代放學緊轉來，干哪煩惱我瘦擱薄板，這呢軟弱欲按怎；考試紙分轉來，提乎你看，你講嘟好及格著好，加考那麼〈ㄏ椔ㄚ呢〉濟分，沾〈ㄨㄣˋ〉豆油敢也當食；甲你講學校欲去遠足，愛家己紮便當，你惦惦無愛應我，越頭甲媽媽講：青食都無夠啊，哪有通好曝干？ 別人讀冊攏有人載，干哪我要家己行；別人成績好有獎勵，干那我愛聽你五四三；別人紮好食物去遠足，干哪我佇厝內失望、流嘴瀾！ 畢業了後去食頭路，路途遠住佇外口，你嘛真少來甲我看，聽講吃飯兮時，你不時吐大氣：講我無佇厝，攏無人知影你食幾碗，放假轉來，聽我甲媽媽咧講話，你攏惦惦無出聲，真奇怪！你哪也知影我當時欲出門？喔多賣〈機車〉早著牽去巷仔口，等欲載我去坐車…… 你攏不知我出外兮艱苦，無問我敢也想厝？敢有乎人欺負？做工課敢也粗重？佇生份兮所在，我兮環境，是有好人亦是壞人？ 結婚以後，轉去外家，你仝款真少講話；仝款算好時間牽「喔多賣」，去巷阿口等我坐；但是我知影：親像按呢坐你兮車、乎你載，是愈來愈無機會。 有一工，你哪老，我一定會好好阿甲你開講：講我亦未出世，你著對我講出心內話，講我兮艱苦你攏了解，只是關心佇心底；講你載我一世人，著是帶我去遠足、是對我上好兮獎勵；講你是我兮好朋友、咱兩人要好好阿來乾杯…… 但是啊！你哪也這呢早走，咱做夥時間那也這呢短？ 我亦未甲你講：你、永遠、是我上愛兮「老爸！」
我是厝內第一個出世的囡仔，爸爸會用腳踏車載我去五公里外的市內看電影，攏會經過一兮兵營兮牆圍外，歸百公尺兮圍牆，紫色兮牽牛花開介滿滿是，我總是大聲細聲呼：「ㄏㄝ是我看著兮，ㄏㄝ是我看得兮！」爸爸總是順著我兮意，講「ㄏㄟˋ哪！ㄏㄟˋ哪！」一路上，我心滿意足，就趴佇伊岸腳踏車兮手睏去呀！ 乎爸爸兮「喔多賣」（摩托車）載上濟兮是我的小妹，自國中伊就越區去高雄讀冊，住佇高雄阿姑因叼，拜六爸爸會去載伊轉來，拜一透早擱載伊去讀冊，彼兮時陣，我已經高中畢業啊，所以，有時陣是我載伊去高雄。 後來，小妹去台北讀大學，定篤坐晚車轉來，大部分攏是爸爸騎喔多賣去火車頭載伊。不管是熱天，或者是寒天，爸爸嘛著ㄑㄧㄥˊ著冷風騎十幾公里去載伊。小妹是阮叼大家攏疼伊兮糖霜丸，伊哪讀著這篇文章，我相信伊兮目屎，一定流比我擱卡多！ 轉貼這些文章分享，喜歡收集好文章...如有侵權請告知。 同齊來說話--無聲兮世界
我住佇一個無聲兮世界，早起時，日頭惦惦來到我兮窗阿邊，暗時月娘靜靜送我入眠，風微微阿吹，雲慢慢阿行過，我兮一工，著按呢無聲無說……過去。
風無甲我講話、雲無甲我講話、雨無甲我講話、土無甲我講話、天星、樹阿、海湧、沙阿埔……攏無甲我講話，我干哪看著海湧咧跳舞、樹阿咧招〈iat〉手、雲咧散步、雨咧拍鼓、風咧玩、沙阿趴車輪、著是無人會甲我講話…… 我兮身邊惦靜無聲，我無聽著爸爸好聽兮歌聲、無聽著媽媽叫我起床兮聲、無聽著弟弟叫我姊姊兮聲、無聽著阿公教我讀冊兮聲、無聽著阿媽講我乖巧得人疼、無聽著別人講我水、嫌我醜，嘛無聽著我兮朋友，大聲呼我兮名，我兮世界，親像一齣無聲兮電影。 我攏不知影：唱歌是什麼感覺？鑼鼓聲有偌鬧熱？鼓吹有偌好聽？撢雷公有偌大聲？逐工，一齣一齣兮電影，佇我面前搬，但是啊！有看著影、無聽著聲，我嘛無甲因講話、無論我兮親人、我兮朋友、不管熟識，亦是無熟識，我仝款是惦惦對待因，無問因會寒麼？會熱麼？有歡喜麼？傷心麼？佇這個無聲兮世界，我已經慣習用心、用情來關心因；用眼神、用笑容來照顧因。 因為我聽不著，聽不著風、聽不著雨、聽不著人講話、聽不著人唱歌，風來我未曉唱、雨落我未曉學；別人講話我未曉開嘴、唱歌我不知影高低音，所以，心內未當講出兮話，足濟足濟，唱佇心內兮歌聲，自來著無人聽過。 毋擱，我猶原真歡喜：世界雖然是無聲，但是媽媽煮兮菜真好食、爸爸兮手真安全、阿媽兮笑容真溫暖；看著月有圓、聞著花有香、感覺山有青、吹著風真涼、我了解天真高、知影海真闊。 我聽不著自己歡喜時兮笑聲，好佳哉！自小漢到大漢，我嘛攏無聽過自己傷心的哭聲！ |
||||||
| ( 休閒生活｜網路生活 ) |
