早起散步看著粿葉樹的黃槿花，想起細漢時要去挽粿葉仔來準備炊粿，好食的菜包仔粿有各種的「餡」， 最近阮就有食著綠豆、菜頭、菜脯米、鹹菜、芋仔五種口味。

台灣人的生活實在真有變化，台灣是真正多元的社會，因為咱來自「四面八方」，食饅頭不一定配豆奶，配「味噌湯」豆醬湯嘛會使，食菜包粿會使配咖啡，就像最近翕著的花也是大大小小五彩繽紛攏無仝，黃槿花、玫瑰花、繡球花、樹頂的花，攏真古錐，真鬧熱、真趣味！

繡球花

    繡球花  圓滾滾  穿粉色花裙     

繡球花  希望存  等待好緣份

繡球花  情意允  陣陣甜蜜雲

     繡球花   紅線准  結合行好運      

註：繡球花親像古早的拋繡球，祝福朋友們愛情攏順利！