月娘光映映 
騎車慢慢行 
到了門口埕 
開喙叫阿娘 
風透透 敢會冷 
衫褲夠燒 毋知寒 
路暗暗 敢會驚 
月娘相伴 毋知驚 
汝食亦是袂 
阮是專工轉來 陪阿娘同齊食 
閣聽汝滿腹的心聲

捌 欣羨兄哥小妹 怹蹛佇遠遠…

捌 毋願夯手機是驚接

暝半三更的電話…

去面對 則知家己一直疏忽

有序大人的幸福…

後頭厝蹛近方便定定轉去

則較有機會 …

為阿爸伊掠龍 陪伊開講

說一寡陳年古事 …

為阿母搓佧脊庰 聽伊講

鹹酸苦澀代誌講阮細漢時

是按怎歹搖飼 摮供伊凌遲…