透早也閣算是半暝，天也袂光雲袂開
看著灶跤有人佇咧拭桌椅，削瘦的身軀 孤柴一支
風若一吹 阮 驚伊會敧。

桌頂準備好食的料理，款好碗佮箸
看伊一身衫褲摻著流汗水，煮好的腥臊 有愛的滋味
即款日子 伊 過甲真歡喜。

伊的一生，親像鼎底的即枝煎匙
毋管佇佗位，總是愛翻來翻去
為著一个家認真咧維持。

伊的一生，親像鼎邊的即枝煎匙
等待後一次，用心貢獻伊家己
一家快樂鼻著幸福的芳味。