佇阮兜的門跤口  
一片青蘢蘢的秧仔 隨風飄搖
秧仔若欲變稻仔愛等時候
阿爸 踦佇即面的田岸頭 
巡到田尾的水溝

這呢大粒的日頭 汗水嘛筘筘流
即嘛的少年人毋肯做的穡頭
阿爸 五十幾歲的歲頭
看起來已經真老

十外年啊 想起著…
世事乎人料想袂到
阿母等待阿爸食飯的中晝
無情的天公伯仔 雄雄拆散阮一家口
失去老伴的阿母強強欲擋袂牢

十外年啊 阮看著…
爸子緣份斷了後
夢中阿爸猶原遐爾緣投
共阮擧佇肩胛頭
阿爸 甘知阮對你思念這呢厚

囥佇厝角彼枝鋤頭
孤單無伴親像嘛咧哭…