故鄉祖厝的門口埕，真久無聽鬧熱的聲，
阿爸甲阮開講攏佇這，有阮囡仔時代七逃的影。
 
故鄉祖厝的牆圍仔腳，一台生鏽的腳踏車，
孤單寂寞惦佇遐，遐是卡早阿爸的寶貝生命。
 
阿爸的腳踏車，阮的囡仔伴，
載阮踅街擱煞攤，偎佇伊的尻脊骿，
鼻著阿爸溫暖的汗。

阿爸的腳踏車，阮思念的伴，
一家生活靠伊趁食，雖然這陣已經退時行，
曾經是阮全家的靠山。