音樂輕聲響起　心晟四界亂飛　
一杯嘸甘飲落的冷冷咖啡　
因為咖啡頂面心型拉花太美　
煞來走入過去美麗的愛情故事　

粉紅色的嬌美　跟著風肖起舞　
一幕一幕落盡懵懂少年夢　
孤單是因為心內藏著一個人　
擱卡多藉口找袂返來怹的溫柔　

惦海邊的沙埔　公園的樹頭　
惦溪邊石頭頂　橋下的壁邊　
攏有咱咒咀時所畫的心型印記　
如今只有坐惦冷清的窗仔門邊　
看著卡布奇諾的心型拉花　
愛著卡布奇諾的心型拉花　
是一杯嘸甘飲落的　走味咖啡　

花蓮潮叔　於青楓居