九二共識是啥物

    暗時看電視，講著”九二共識”，我看電視節目內底，有兩派的人冤甲足厲害矣，強強欲拍起來。

    我就真好奇，共阿爸問講：”啥物是九二共識？”，阿爸掠我金金看，然後吐一大氣，真嚴肅的問講：我若欲講予你聽，你甘有法度聽甲捌？

    我共阿爸說：當然沒問題，像我遮爾巧，哪有可能聽無?

    阿爸講：若按呢，我著來講，汝聽予好。

    即个九二共識，是一個”假設的議題”，是講”假使講今仔日，阮臺灣若是真正的”中華民國”，按呢，阮會當來主張中國大陸是阮的領土，毋過，仝款的，(人因)[他們](they)嘛會當主張咱臺灣是(人因)[他們]的(theirs)”。

    我講：”按呢真公平啊，就親像我共朋友公家買了一粒球，伊會使玩，我嘛會使玩，甘毋是咧？”

    “毋著，毋著”，阿爸講：”講汝會聽無汝閣毋相信”，”代誌毋是安呢講，我柱才有講著”阮臺灣若是真正的”中華民國””彼是一个假設的講法，事實上，即個”中華民國”並毋是咱真正的身分，伊是一个”外來的政府”，而且並無得著咱臺灣人的授權，簡單講起來，就等於是一個來租厝的厝跤，連租金都沒付，就欲共厝邊喊價，安呢甘著？”

    “當然毋著”我真憤慨，這是強盜的行為，完全無法度來原諒。”毋過，是按怎講，阮的課本共阮教講咱是中華民國佇臺灣，咱就是”中華民國啊，甘毋是咧？””我共阿爸問。

    “毋是”阿爸講：”二次世界大戰了後，咱確實是去予日本來放棄主權，由美國來代替行使佔領權，但是麥克阿瑟第一號令，在1945年10月25日，卻是去予當初時來協助日本撤軍的陳儀將軍來曲解，講出並無被授權的話”，”甘講著是彼句”臺灣回歸祖國的懷抱？”我問阿爸。

    “沒毋著”阿爸講：”中華民國是啥物身分就猶未講清楚欸，憑啥物要替咱來坐地喝價，想欲賣臺灣？”

     “真正是太可惡咧”我共阿爸講：”阿爸你放心，只要我有法度講話的每一工，我絕對不准即款欺負人的”九二共識”來達成伊的陰謀。”

    “憨仔欸，汝莫憨啊，咱只是一個小百姓，會當決定啥物？我只是講乎你聽，是好是歹，咱無法度通講啥，只有請總統佮天公伯啊來鬥保佑較實在啦。”，若是總統會當堅持麥被騙去，摁呢，咱才有可能會當有即馬的日子倘繼續過，阿爸真無奈的共我講。

     按時欲睡的時，我倒在眠床上，規暝攏睏袂去。

[延伸閱讀] 

http://blog.udn.com/WuowuTaiwanNo1/86606107

http://blog.udn.com/WuowuTaiwanNo1/85098856