《果子好吃愛對時》圖文／5656

　　2009-06-12

　　　　台灣的的農漁業的技術置世界有名，可惜一項一項攏被偷偷移轉對
　　大陸去；台灣不只科技搬對對岸去，造成台灣人面對找無頭路的困境，

　　即馬連農漁業亦是焉爾。

　　　　百姓吃著這尼媠閣甜閣便宜的果子的同時，是毋是有想著這背後的
　　危機？前幾工的新聞講運送大量的果子賣到大陸去，毋知農民已經有收
　　著合理的價錢還未，過海關是毋是有順利，心內一直掛念咧，新聞親相
　　也無報導。（因為農產品是會臭會爛，只要被拖延一工先是外皮歹看，
　　閣來就是壞去。）

　　　　可能有真濟人感覺我想傷濟、傷悲觀，只是國家雖然細，但凡事自
　　己可以做主，毋願偎人看人的面色過日子，是咱做百姓上起碼的尊嚴，

　　敢毋是？！