轉眼吃完冬至圓又欲過新年，難忘當時年歲少追風追浪無煩惱，心親像一片雲，天就是阮丌 世界，從來著嘸驚風佮雨，就算傷痕累累亦嘸知痛疼；管伊天有外懸，佇夢中阮攏有法度飛嘎 到。
　
　　如今歲月日日過，成功失敗阮亦攏經過，鹹酸苦澀也吃過頭毛攏全白，年年春秋二十四節 氣，時間總是教咱識世間真濟載誌；天頂猶原遐尼懸遐尼闊，終亦認清現實丌力量實在真有限。
　
　　天有外懸有外闊，家己攏知悉無可能飛會到，但是只要心中充滿著愛，堅持著當初丌夢想 ，嘸管一路行來有外崎嶇外遙遠，亦哭亦笑一切攏會隨流（ liu ）水流（lao）去，只存心中種種丌記智。
　
註解：
丌→的　　嘸驚→不怕　 懸→高　　佇→在　　識→懂
真濟丌載誌→很多的事情　　遐尼→那麼　　飛眛到→飛不到
※流（ liu ）水流（lao）去→台語有很多同字讀音卻不一樣　紀智→記憶