【花樹下个約定】

　新曆 4 月初10上晝同𠊎个花仙子(熏熏)約好共下去池上个台東縣客家文化園區看油桐花，來到園區个油桐花樹下緊行緊欣賞，一陣陣个風吹過來，油桐花就像雪花樣仔吹落下來，花仙子看啊到盡歡喜，隨手就將跌下來个桐花拈(撿)起來，佢算啊算就大聲講：「有六皮(片)耶！」花仙子像拈(撿)著寶共樣，暢到奈毋何！

　續等緊行緊跳過緊尋，無幾久又過聽著花仙子大聲喊：「哇！有七(皮)片耶！」這擺佢還啊過暢著講毋得，緊喊𠊎講：「老爸～遽遽摎佢翕起來！」𠊎就連等講：「好！好！好～喔！」

　這下就來同大家分享六皮(片)、七皮(片)个桐花(六瓣、七瓣桐花)，請大家詳細看～

▲後山个四月雪．油桐花六七片
地點：池上╱台東縣客家文化園區　攝影：范遠郁╱99.04.10

◎園區資訊及交通指引台東縣客家文化園區導覽圖暨交通指引