台語精選懷念老歌-----悲情的城市 

作詞：葉俊麟　作曲：日本曲

原唱：洪一峰 翻唱：戀戀風塵

<第一段>

心稀微在路邊　路燈光青青　那親像照阮心情　暗淡無元氣
彼當時伊提議要分離　因何我會無來加阻止
啊　被人放捨的小城市　寂寞月暗暝

<第二段>

心茫茫想彼人　仰頭看樓窗　為怎樣一時心酸　目眶漸漸紅
你在我面頭前表愛慕　已經變成過去的眠夢
啊　被人放捨的小城市　秋夜也沉重

<第三段>

心疼痛無心晟　看月移花影　雖然是舊情難忘　暗叫你的名
到現在只好是祈禱你　一生過著心願的運命
啊　被人放捨的小城市　秋夜落葉聲