阿母的血壓像溜籠 

懸懸 低低 ...

我的心情嘛像溜籠 

起起 落落....

腦筋退化的阿母 

有當時

天真無邪 真古錐 

有當時

番番亂亂 烏白花

用七十外外年 老機器

定定要來

急診室 歇一下

三不五時 

來病房做調整維修

無爽快身軀 

引起心理病 

厭世 無愛活 

面憂憂憂 

伊講 心苦偌豬膽

想死死較快活 

講伊活袂落去 

莫看好了了 

憂鬱失語又發作 

拐 騙 褒 

要伊講話 唸觀世音 

蹛院休養

血壓正常後...

伊怪我 

觀音菩薩無來接

是我叫伊莫來..

妄想症頭 

阿母變作 編故事的人

無影無跡的代誌

講徦有頭有尾

故事鋪排足精彩

歹分是 真的亦假的

 有時感覺 好氣也好笑...