今暗晡台北个月光毋係滿月      【今晚台北的月亮不是月圓】

佢屈屈个身影親像彎弓共樣      【他彎曲的身影好像彎弓一樣】

分天頂个鳥仔試著當驚            【讓天空的鳥兒覺得很害怕】

恅著弓箭就愛射過來               【以為弓箭就要射過來】

遽遽飛入樹林肚閃避               【趕快飛入樹林裡躲避】

今暗晡台北个月光毋係滿月  【今晚台北的月亮不是月圓】

佢糾糾个身影親像曲鉤共樣  【他彎曲的身影好像曲鉤一樣】

分深潭裡背个魚仔試著當驚  【讓深潭裡面的魚兒覺得很害怕】

猜疑係毋係釣仔既經放落來     【猜測是不是釣鉤已經放進來】

緊張个潛入水底毋敢敨氣        【緊張的潛入水底下不敢呼吸】

毋過現下                              【不過現在】

厥弓箭射中捱个心                 【他的弓箭射中我的心】

厥釣鉤勾起捱个愁                 【他的釣鉤勾起我的愁】

恁久無轉老屋了                    【好久沒回老家啦】

這月光个形狀分捱思想起        【這月亮的模樣讓我想到】

阿爸割草个禾鐮                     【爸爸割草的鐮刀】

阿姆梳頭个梳仔                     【媽媽梳頭的髮梳】

老弟開容笑面个樣仔               【弟弟開心露笑容的樣子】

今暗晡台北个月光毋係滿月     【今晚台北的月亮不是月圓】

仰般分捱恁樣思念屋下人        【怎麼讓我如此想念家人】