小漢的時陣
阮定定佮阿嬤去後山挽蕃薯
那一工
阮佮阿嬤惦在樹仔腳休睏
阿嬤教阮用番薯葉仔做項鍊
這蕃薯葉仔祝神奇，除了可以做手環，嘛擱會當作手指

突然間，天頂熊熊打落一道祝光的閃電
煞下來擱聽到轟隆隆的聲音
害阮驚祝大下趕緊躲在阿嬤的胸前
阿嬤摸阮的腳背講 : 憨囝仔，不免驚
這是天公伯仔在咧發性地，才會打雷公
等一下就會落西北雨
咱要趁雨還未落下來之前
趕緊來去返

熱天的時陣
一群囝仔攏會跑去溪邊玩水
阮攏會抓著阿兄的衫仔
半哭半哀求叫他帶阮做陣去
阮彼時陣，只學會曉
狗爬式佮死囝仔躺的招式
大家互相潑水，玩佮祝歡喜