三年外前  怪老子好友
學甲煥昌庄保正阿凱仔
及學甲農業組合大棟仔
互相參詳 為著要提升地方藝文水準
計劃成立樂團

保正阿凱仔設局邀宴怪老子
趁伊酒飲七分 有淡薄仔茫 提出要求
怪老子一時失察 答應幫忙
隔工酒醒 巳不能收回君子一言

開課的第一工 前來報名的男男女女 有三十外人
從十七歲到七十歲攏有
阿凱仔也參加其中之一 以示負責
怪老子心內盤算 三十外個人組一個樂團剛好
開始介紹各種中西樂器
下課晉前 伊講一句話:

一簫 二聘 萬世弦

並解說講 學簫一年 學聘仔二年 大概就學會透
弦仔一世人嘛學麥了

想不到第二次上課 這三十外個學生
毋知是為著要省買樂器的錢
或者是心肝膨風 要挑戰最高難度的樂器
竟然全部攏選要學弦仔
因此變成

學甲弦仔班

三年外來 這班學生 跑的跑 逃的逃
攏總存落來十二個 號稱:

學甲十二門徒

這十二個人 由班長白水領隊 用

學甲弦仔會社

的名 南征北討 騙吃騙喝
並威脅怪老子繼續指導 正是:

一簫二聘  萬世弦
三教九流  會駛練
出師日期  延各延
果然這項  學麥善

因為年齡相近 怪老子和這十二門徒 亦師 亦友
時常用北京話"丟臉"嘲笑伊的得意門徒
並講玩笑:
"如果有人問起 毋通講令老師是怪老子"
伊的心聲應該是:

攏是我  輸置喝酒
好嘉載  無心插柳
置學甲  師徒結友
希望會  長長久久