月娘光光掛天頂　嫦娥在那住
你是阮的掌上明珠　抱著金金看
看你度晬　看你收涎　看你在學行
看你會走　看你出世　相片一大疊

輕輕聽著喘氣聲　心肝寶貝子
你是阮的幸福希望　斟酌給你晟
望你精光　望你才情　望你趕緊大
望你古錐　健康活潑　不驚受風寒

鳥仔風吹　攏總會飛　到底為什麼
魚仔船隻　攏是無腳　按怎會移位
日頭出來　日頭落山　日頭對佗去
春天的花　愛吃的蜂　伊是在佗位

鳥仔有翅　風吹有線　才會天頂飛
魚仔有尾　親像行船　希望著愛找
日頭出來　日頭落山　日子攏按呢過
花謝花開　天暗天光　同款的問題