頭家面前打拼做!   雲鶴筏客 詞

艱苦的人顧腹肚 咁苦的心有誰人知影

透早出門天暗瞑 為兜三頓甘願拖嗲磨

頭家面前打拼做 嘸瞑嘸日因為責任制

看顧病人作天使 重擔當祙起無常隨來

白領藍領攏感況 吶會日子愈過愈鬱卒

耀武揚威官老爺 話來話去乎你凍祙條

一隻牛剝來剝去 乎你三條性命吃祙消

民意代表一條鞭 乎咱吃毒擱來萬萬稅

院長帶頭馬前卒 誰管後代子孫受傷害

艱苦的人要覺醒 嘸通乎人作牛來拖磨

幸福的人要感恩 嘸通乎人騎馬來使弄

台灣土地要自由 應該全體公民作主張

誰是台灣ㄟ頭家 嘸通乎人講到頭犁犁

咱是台灣真頭家 應該作夥打拼來改善

為著咱ㄟ子孫 ~ 咱永遠是台灣ㄟ … 頭家!