一抱長頭鬃　一工長過一工　
烏鵔鵔　長過愛人的卡胛膀　
哪是時間擱ㄟ凍　
阮想要用頭鬃　來恰一領感情網　
來網著阮彼咧愛人的心肝　

相思像頭鬃　一工長過一工　
無漳滌　煞愈留愈長愈潦亂　
為你所流ㄟ目屎　
閃不過命運的無奈甲凌治　
難收回的情分惦無依偎的時袸　

輕輕撥著　阮的長頭鬃　
分手了後　一工一工煞來變蒼　
拿出彼支尚利的頭毛剪　
剪掉你尚愛的長頭鬃　
也剪斷阮的相思　甲彼張保重的批信　

明仔在　你置咧等誰人　阮猜無　

　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　　花蓮潮叔　於青楓居