字體：小 中 大 |
|
|
|
| 2021/11/04 10:29:55瀏覽69｜回應0｜推薦1 | |
藝術創作定定是對日常生活的經驗出發，「人權」嘛成做一个真重要的主題。國家人權博物館舉辦2021人權藝術生活節，用濟濟藝術表演來講人權，予民眾用無仝的角度來認捌人權議題。
歌手Panai Kusui《是誰》，「一个想欲活的人，煞毋知家己是啥人。」
這條歌是歌手panai 改編囡仔的詩，寫成的歌曲，講出對人權的向望。Panai唱出這條歌，為2021人權藝術生活節開幕。策展人講，其實濟濟藝術創作，攏是對人權開花發穎的。 2021人權藝術生活節策展人 鴻鴻講，「人權本來就是所有藝術創作的核心，伊強調一種尊嚴、一種特別性，藝術大概就是對這點出發自由的表達。」 今年的人權藝術生活節，由「異端的回聲」做主題，紀念過去戒嚴時期，受著限制的濟濟聲音，到這馬現代社會，無仝意見攏會使發聲，用各種方式，講出家己的想法。 2021人權藝術生活節策展人 鴻鴻講，「我希望呈現的方式會使盡量多元，除了傳統看表演的形式以外，有閣較濟參與形式或者是更加自由的表現方式，予民眾用各種方式來參與。」 文化部長 李永得講，「阮目前國家人權館目前較注重佇政治人權，因為佇景美這个所在，但是未來咱國家人權的內涵會愈來愈濟。」 策展人講，這幾年有發見以人權做主題的藝術創作愈來愈濟，舉辦人權藝術生活節，除了予民眾認捌人權議題，嘛向望會使吸引其他的藝術家，以人權議題來創作，豐富未來的人權藝術活動。 |
|
| ( 心情隨筆｜心情日記 ) |
