我要打敗它

100年最後一天 ，目睭扒金是我尚生份的所在，

身邊無熟悉的人，只有白色的人影。

親愛的 ! 哪會變按呢 ?

漸漸失去的笑容、慢慢消失的力量，

親愛的 ! 我感覺足冷耶，嘛感覺足孤單耶 !

聽著沉重喘氣的聲音，不是我的呼吸是機器在吐氣，

它在替我怨嘆天公無公平，他在替我爭取活落去的機會。

它知影我尚希望的是會當趕緊返去我尚親愛的家人身邊，

它知影我也希望會當快樂的甲好朋友同齊唱歌。

百般無奈的等待，無聽使喚的肉體，關袂住嚮往自由的靈魂，

‘’我要打敗它’’這個無應該存在的惡魔，

拖磨我的身體，苦毒我的意志、、、

我知影這是一條漫漫的長路，看袂著終點茫茫的海平線，

親愛的 !感謝你陪我同甘共苦，感恩你默默陪我共渡…

心內萬萬祈求十方救難救苦觀音佛祖，予我信心、賜我力量。

堅強面對這個惡魔，將它打敗，袂當擱再興風作怪，

予我會當早日返去親愛的家人身邊，袂擱再離開。

100/12/31  慶仁