親愛的查某子 

每日透早6點20分是幸福的開始， 

輕輕吻著妳的額頭叫妳起床， 

妳總是瞇著目睭微微啊笑， 

憨憨的模樣，親像玩具熊。 

好天的時陣 

尚介歡喜騎機車載妳去學校， 

坐在後面的妳總是緊緊攬著我， 

我也越頭溫柔對妳講　Ｉ　ｌｏｖｅ　ｙｏｕ， 

落雨的日子 

快樂牽著妳的手陪妳去學校， 

揹著妳的書包感覺著妳未來的包袱有外重， 

心內的不甘只有我知影。 

看妳行入校門，我猶原惦在門口，看妳一步一步愈行愈遠， 

親像初生的燕仔早晚會飛上天頂，有妳自己的天地。 

一邊替妳歡喜，一邊替自己感覺稀微。 

這款幸福的日子，隨著妳漸漸大漢，愈來愈短暫， 

親愛的查某子， 

不免猶豫，不免牽掛，不免擔心，不免驚惶。 

勇敢行出妳的路，追求你的夢想， 

累的時陣，休睏一下，煩的時陣，輕鬆一下。 

人生的路起起落落， 

需要一點仔耐心，一點仔信心，更需要一點仔寬容的心。 

任何代誌需要我的時陣， 

爸爸永遠會做妳的靠山。 

２０１１／１２／０４　　慶仁