阮兜的大姊生得真水     天色未光就早早起
煮飯洗衣閣擦桌椅       真正古力就是阮大姊 

大姊每天攏笑瞇瞇       對人總是客客氣氣
如果人吶對你不起       阮有修養就不免生氣 

大姊實在是真正福氣     嫁著一個好尪叫富貴
尪某同心是和和氣氣     不分內外是雙雙對對 

阮兜的大姊真有才氣    練完氣功就寫毛筆
跳完舞來唱do re mi    畫完圖伊就來打字 

大姊實在是真正好奇    每項東西攏要學離離
人講電腦是啥米東西    伊就霹靂啪啦變來變去

這就是快樂的秘密     麥甲人計較就不生氣 
永遠保持心內歡喜     人生才會順順利利
做好人天公ㄝ保祐     祝你身體健康呷百二