請參考~

「九頓米糕無上算，一頓冷糜抾去囥(khng3)。」

九頓米糕無上算：餐餐招待好料理，卻都不當一回事。
一頓冷糜抾去囥：被招待吃了一餐冷稀飯，結果這個不好的印象卻牢牢記在心裡頭。

這句俗語照字面的意思是，不時款待人佇大餐廳食好料理，嘛提供上好的服務，對伊好，結局無將汝一片的誠心好意，囥(kng3)佇心肝內。萬一若(na2)有一工較無週到，去食著一擺路邊擔的冷糜，煞因為對這件事誌的不滿，共汝記一世人，這實在是誠(tsiann5)無公平的對待。

這句俗語用「對照」的手法來表現，予人有深刻的印象。九頓佮一頓比喻「濟」和「少」的對照。「米糕」佮「冷糜」表示「好」和「歹」的對比。「無上算」佮「抾去囥」強調「無」和「有」的對照，就文學的技巧來講，嘛是誠懸(kuan5)的手法。咱通常會怨嘆歹(phainn2)做人，普通時對人好了慣勢，時間一下久，煞變「禮數當然」，有一工若做了一件較無順是的事誌，伊都共汝記牢牢(tiau5)，過去的好事攏放水流，這是足毋值的事誌，亦是做人為難的所在。這款的現象通常發生佇「唐家(ta1-ke1)」、「新婦」的身上；「頭家」、「夥計」的身上；「官員」、「百姓」的身上，莫怪有人講政治人物，若像咧表演行鋼索特技的人，九十九擺攏成功過關，只要有一擺跋落去，都攏去了了。人的感情佮主觀，往往會予一个人失去理性佮客觀，這是人佮人未(be7)和諧，社會未安定的主要原因也！

其實 本人從未聽過此俗諺

但

應該是 受人家多次的恩惠 都不記得了

而施予人家一次恩惠 就時常掛在嘴邊 的意思吧