字體：小 中 大 |
|
|
|
| 2016/06/29 20:49:19瀏覽851｜回應0｜推薦35 | |
台語詩
吳正彥－弓蕉 弓蕉曲曲曲 外皮黃黃黃 鼻著芳芳芳 食著甜甜甜
施秉融－ 樹仔 樹仔懸懸懸 葉仔青青青 風吹搖振動 寒天吹落地
台中 台中是一个好所在 逐家攏愛來tsia耍 有風景也有食的 真正是有夠讚 ※ tsia : 這。
張夙惠－青菜 青菜青青青 炒熟芳芳芳 食著𠢕大漢 營養閣健康 ※ 𠢕(gâu) : 能幹、有本事。
張文襦－葡萄 生做細細粒 外皮青青青 入喙滑溜溜 食著甜甜甜
陳怡君－柑仔 柑仔圓圓圓 外皮柑仔色 鼻著芳芳芳 食著甜甜甜
陳冠忠－騎跤踏車 阿母阿爸 騎跤踏車 風吹 頭毛長長長
張竣傑－ 蘭花 蘭花紅紅紅 鼻著芳芳芳 看著媠噹噹 不時金金看
天頂 天頂天頂有夠大 日時暝時無仝款 日時白雲不時變 暝時天星閃閃爍
林芷萱－葡萄 葡萄圓圓圓 外皮茄仔色 食著酸閣甜 常食會補血
賴靖宜－透早 日頭peh上山 鳥仔咧唱歌 囡仔直直吼 原來是欲揣媽媽 ※ 1.peh : 爬。 2.揣(tshuē/tshē)：尋找。
王宜瑄－柑仔 柑仔圓圓圓 外皮冷冷冷 鼻著柑仔芳 食著甘甘甘
施祥瑞－柑仔 有的柑仔甜甜 有的柑仔酸酸 鼻著無好味 食著有紲喙 ※ 紲(suà) : 接、續。
施侑欣－ 月娘 月娘彎彎彎 初一無出來 十五的時圓圓圓 親像月餅真好食
雞胿仔 雞胿仔歕kah圓圓圓 婚禮場面看著伊 有規捾的 也有大粒的佇天咧飛 ※ 1. kah：到。 2. 捾(kuānn)：串。
張茵淇－草莓 草莓軟軟軟 外皮紅紅紅 鼻著農藥味 食著甜甜甜
劉芋辰－弓蕉 弓蕉彎彎彎 外皮黃黃黃 鼻著芳芳芳 食著軟軟軟
張瑜華－阿母的手 阿母的手 粗粗粗 阿母的手 足溫暖 阿母用手 晟我大漢 阿母的手 為我付出 毋捌收回
白韻郁－苦瓜 生做長圓形 外皮白閣噗 切開足濟子 食著苦苦苦 ※ 濟(tsē/tsuē)：多。
陳姿伶－西瓜 青青圓圓閣烏烏 內面紅紅閣甜甜 瓜子一粒閣一粒 熱天冰涼閣清涼
張翌芸－柑仔 柑仔酸酸酸 外皮來泡茶 鼻著芳芳芳 啉著會開脾
張宇婕－柑仔 柑仔圓圓圓 外皮柑仔色 鼻著芳芳芳 食著酸閣甜
張穎函－葡萄 葡萄圓圓圓 外皮茄仔色 鼻著芳芳芳 食著酸酸酸
陳晏苓－檸檬 生做卵圓形 外皮黃黃黃 鼻著芳芳芳 食著酸酸酸
羅詩翎－鹹卵 規粒長圓形 外殼白白白 鼻著芳芳芳 食著鹹鹹鹹
黃毓棻－菝仔 菝仔圓圓圓 外皮青青青 食著脆脆脆 愈食愈佮意 2016.3.9
台語四大領域，聽、講、讀、寫。 聽佮講較容易學(o̍h)，讀佮寫必須愛經過學習佮訓練才會曉的。 大部分的國中生攏聽捌台語嘛會曉講，毋過， 讀的方面，若拄著生字就較困難，所以愛閣學習台羅拼音。 寫的方面必須加強學習，累積語詞，才會當動手寫作， 會曉的字就寫漢字，未曉的字就寫羅馬字，羅馬字也是字。 所以學習台羅拼音真重要，是拍基礎，基礎若在， 頭殼用台語思考，台語文漢羅並用，寫作就無困難， 先對簡單的白話詩寫起，無要求一定愛押韻， 慢慢愈寫愈長，捷寫就會進步， 有一工，就會曉寫散文矣！ minda 2016.6.29 |
|
| ( 創作｜詩詞 ) |
