回鄉隨筆2
復(koh)佇下晡時的雨縫，出門行踏，倚著海岸線往西北直行，
行到"西勢"的海漧，水已淹滇，無法度koh蹽過去，就停落來
欣賞海天變化的景致，順紲佇海坪抾螺仔殼。

有看著淺淺的水窟仔，一時心適興也共翕落來，想起細漢時，
若落海裡抾螺仔，佇欲返來的時，攏會揣水窟仔共螺仔洗予清
氣，返來到厝裡就會使直接倒落鼎內煠矣！

又復欲落雨也，緊行返來，路過復育的濕地，就停落來看看的，
水邊有幾隻白翎鷥咧揣食，予人誠歡喜，濕地復育有成果也！

                                                                       (minda 2014.8.17)