紅包四部曲

（一）

新正若到逐家知

恭喜發財紅包來

兄弟姊妹徛規排

阿爸每人發一個

提著紅包笑咍咍

包外濟錢逐家猜

阿母喝講寄伊囥

逐家面色隨反黃

就寄阿母阮無愛

想欲留咧家己開

阿母教示真賢蓋

予阮聽到會感慨

儉才有底莫枵嚵

相添註冊則應該

（二）

天下父母偉大哉

養育之恩深似海

濃濃慈輝春日藹

 諄諄教誨望成才

高堂益壯吾心慰

奉敬紅包亦成對

禮輕意重親情貴

盡心聊報三春暉

（三）

中年以後福運來

年年翁婿送錢財

專用大紅燙金袋

一疊新票囥在內

袋面題詩阮上愛 

筆跡雋秀透真才

祈阮如意體康泰

並祝青春永遠在

 （四）

紅包紅包人人愛 

社會亂象鬧彩彩

該提才收分好歹

若無人情債難解

minda    2009.1.22