大腳姐仔 ／作詞：許常德　作曲：陳小霞　編曲：郭宗韶

大腳姐仔　大腳姐仔
阮的姐妹攏叫阮　大腳姐仔　大腳姐仔
大腳姐的大肚仔　什麼風攏吹抹倒

阮的爸爸媽媽嘛叫阮　大腳姐仔　大腳姐仔
弟弟妹妹推給阮　買物做實攏真穩

大腳姐仔　大腳姐仔　是姊妹靠偎的岸
大腳姐仔　大腳姐仔　是父母放心的眠床
大腳姐仔　大腳姐仔　彼年九月就十八
十八姑娘　心內嘛有一朵花

阮那個暗戀的人嘛叫阮　大腳姐仔　大腳姐仔
阮每次聽見心就酸
阮的孤單也叫阮　大腳姐仔　大腳姐仔
那麼大的寂寞　敢有那麼大的鞋來穿