得閒又去深水埗行下街街。食碗好味潮州魚旦粉。行下吉之島。最後當然係行到去街市。呢檔平菜檔係響街市外面。今次竟比我老公發現５元６串蒜頭（一串有三個）。

我唔係好相信咁攞起一串問個菜婆：呢ｄ係５元幾串？

菜婆話：咪５元６串囉！

嘩，好難相信呀！

因為我一向買開的最平個次都要２元串。但一般係２．５串。

我即刻以好愉快的心情選擇左６串好新鮮的蒜頭！

好開心咁比錢！

哈哈咁笑住同老公講：真係用嚟送比人都抵呀！

真係唔知點解好似執金咁開心。

老公問我今日食左血壓藥未？

佢笑到架架聲咁話：費事聽日報紙頭條話｛婦人買到平蒜頭開心到爆血管身亡｝

我一味笑，話：做條蒜頭圈掛在Ｈｅｌｌｏ頸用嚟防蚤都抵呀

我老公話：掛門口又可以趕鬼

你地話呀！開心之餘。５元６串蒜頭的功能幾大呀？