《清芳个山頂花》

春風輕飄，遠處傳來了「歌」唱，嫺熟的聲音，攝住了我的心房。步伐輕搖，耳朵細描，喔！原來是沒落的姑娘，為已逝父親的悲傷。野茫茫，步緩緩，心蒼蒼，拾階而上；泣聲裊裊，轉似愈來愈逍遙；窗籠乍無聲，斐然見「文章」；她珊珊來遲，素顏仙姿，柴扉溫掀，優雅地踏出門。悄悄道聲：

歹勢啦！阮毋知影阿兄汝欲來，無去迎接，實在真失禮，真無應該。阿兄汝先入來內底坐，阮先點一枝清香予汝拜阮阿爸：「阿爸！汝著保庇阿兄，予阿兄身體勇勇健健」。

阿花！這是淡薄仔物件（mi-kinn)，嘛算是一屑仔等路，汝拜恁阿爸了後，有閒个時陣，予汝加減啖糝，才袂腹肚枵。

阿兄！汝先坐一下，阮去泡一杯茶予汝啉，咱兄妺仔才來勻勻仔講，款款仔哈（hap)；阿兄！咱宜蘭自古早就真散赤，這嘛擱卡害，逐家日子攏真歹過，位中國个武漢肺炎穢到咱臺灣以來，共阮買菜佮買水果个人客，就愈來愈少，阮个生活嘛親像愈來愈僥倖。阮阿爸死了後，無半隻鳥仔踏跤到，睶阮一个查囡仔人，家己蹛佇山溪後。阮這是深山野外，暗頭仔阮个心頭就蓬蓬衝（tshing)，額頭著仰仰（gionggiog)欲流凊汗（冒冷汗）；阮毋是驚歹人，是時不時聽著鬼風嘨嘯吹，鬼風冥冥吼。阿兄！汝中晝就惦這食飯，食飽才（Tsiah)轉去好否？毋過汝無代先敲電話來，阮無法度攢飯菜，中晝咱著襯採食。後擺汝那來，阮才（tsiah)煮卡澎湃。阿兄！汝愛會記得，欲來進前先敲電話予阮知（Tshai)，阮个電話號碼是：konnsam-giuzizi-chitbatbatgiu.

阿兄！汝講阮是好命抑是歹命？位阮紅嬰仔時陣，阮阿母就過身，是阮阿爸盤盤撋撋，共阮晟養大漢，這嘛阮阿爸嘛過身去唉（ah)，茨內睶阮一个查囡仔人，嘛愛去做堘園，嘛愛家己洗衫煮飯，想到這，阮半瞑仔就目屎滴，目屎流，嚶！嚶！嚶！阮阿爸才（Tsiah)五十歲爾，遐邇早就死去，放阮無依無偎，請阿兄卡接仔轉來，佮小妹仔做伴。阿兄！天色漸漸暗啊，阿兄你夤暗是欲惦阮兜？抑是天光才（Tsiah）欲走？那是欲（beh)這嘛走，趁天猶未烏，阮騎烏都嫼載汝去車頭。

阿花！恁嫂仔惦佇天龍國，阿兄心肝放袂落，夤暗袂當蹛恁兜。

阿兄！那是按泥，我著來發烏都嫼，汝起來坐，阮載汝去車頭。

阿花！勞煩汝，按泥阿兄就省叫搭驅熠（taxi)。

阿兄！火車頭到啊！時間拄仔好，緊去買車票。

再會！

阿花！暗時騎烏都嫼，愛卡細膩。山頂路真暗毿，毋親像市區街頭，彼條山路四界攏有空，汝目睭愛擘卡金，騎卡慢咧，才袂倒頭栽，汝那到茨，一定要敲電話予阿兄，阿兄才會（Tsiah e)放心。

再會！

阿兄!汝嘛愛保重，替小妹仔共阿嫂講，這嘛是危險時，咱逐家攏愛遵守政府个規矩。事事項項愛注意。祝阿兄闔家平安，年年春，大趁錢！

｛請聆聽山地姑娘「秀蘭瑪雅」个情歌《滴答滴》｝

https://youtu.be/rLi5FinL9dY